Ариун Сүнс чамд зааж, удирдана

Та нарын Түүнээс авсан тосолгоо нь та нарын дотор байдаг бөгөөд
өөрсдөд чинь заах хэн нэгэн та нарт хэрэггүй.
Харин Түүний тосолгоо нь та нарт бүхнийг заадаг бөгөөд
тэрхүү тосолгоо нь худал биш, үнэн.
Та нарт заасан ёсоор та нар Түүний дотор байгтун.
1 Иохан 2:27

Итгэгчид өөрсдийн хамгийн ариун итгэлдээ өсөхөд хэрэгтэй бүхнийг эзэмшдэг, семинарт орох хэрэггүй, доктор зэрэгтэй хүнээр заалгах хэрэггүй гэдгийг итгэгчдэд урамшуулах нь энэ вэбсайтын нийт зорилго юм. Бурхан эрэгтэй, эмэгтэй хүмүүсийг багш болгон ашиглаж, ялгавар өгдөггүй гэсэн үг биш, харин суралцахад бидний гол найдвар нь Бурханы Сүнсээр заалгах Бурханы Үг байх ёстой, Бурханы зүйлсийг суралцахын тулд хүмүүс дээр найдах биш. Тиймээс Бурхан бидэнд заах Бурханы Сүнс, мөн бидний сурах бичиг болгон Бурханы Үгийг өгсөн юм.

Гэвч Бурхан үүнийг Сүнсээр бидэнд илчилсэн юм. Учир нь Сүнс бүх зүйлийг, тэр байтугай Бурханы гүн юмсыг ч гэсэн нэвтэлдэг ажгуу. Учир нь хүний дотор буй сүнснээс нь өөр хүний бодол санааг хэн мэддэг вэ? Түүнчлэн Бурханыхыг Бурханы Сүнснээс өөр хэн ч мэддэггүй. Бурханы бидэнд үнэгүй өгсөн юмсыг мэдэхийн тулд бид ертөнцийн сүнсийг бус, харин Бурханаас ирсэн Сүнсийг хүлээн авсан юм.
1 Коринт 2:10-12

Энэ хэсэгт, Сүнсээр л бид Бурханы зүйлсийг суралцаж чадна гэдгийг бид харж байна. Түүнчлэн, Паул 2 Коринт номд ингэж бичдэг:

бид ямар нэгэн юмыг өөрсдөөсөө гаргадаг юм шиг шаардаж чадахгүй. Харин бидний чадвар Бурханаас гардаг юм. Тэр биднийг үсгээр бус, харин Сүнсээр шинэ гэрээний үйлчлэгчид байх чадвартай болгожээ. Учир нь үсэг бол хөнөөдөг, харин Сүнс бол амь өгдөг аж.
2 Коринт 3:5-6

Тиймээс, бидний зорилго нь Судрыг эрдмийн дасгал мэт судлах биш, харин Бурханы зүйлсийг Сүнсээр заалгахыг эрмэлзэх явдал юм. Бид мэдлэг цуглуулахыг хүсдэггүй, харин Түүний дүрд нийцэхэд туслах зүйлийг олохыг эрмэлздэг.

Бидний Эзэн Есүс Христийн Бурхан болох алдрын Эцэг нь та нарт мэргэн ухаан хийгээд илчлэлийн сүнсийг өгч, Түүнийг дүүрнээр мэдүүлж, [Та нарын] зүрхний мэлмийг гийгүүлэх болтугай! Ийнхүү та нар дуудлагын найдварыг хийгээд ариун хүмүүс дотор Түүний өв дэх алдрын баялгийг мэдэх болтугай!
Ефес 1:17-18

Иохан номын 14-16-р бүлгүүд Ариун Сүнсний талаарх зааврыг өгдөг. 14-16-р бүлгийн хоёр тодорхой шүлэг Ариун Сүнсийг багш ба удирдагч гэж тодорхойлдог:

Харин Туслагч буюу Миний нэрээр Эцэгийн минь илгээх Ариун Сүнс
та нарт бүх зүйлийг заах бөгөөд
Миний та нарт хэлсэн бүгдийг сануулах болно.
Иохан 14:26

Харин үнэний Сүнс болох Тэр ирэхдээ
та нарыг бүх үнэн уруу удирдана;
Учир нь Тэр Өөрийн санаагаар биш харин алив сонссон юмаа ярина.
Ирэх зүйлийг Тэр та нарт мэдүүлнэ.
Иохан 16:13

Тиймээс, бид суралцаж, өсөхийг хүсэх бүрдээ, бусад хүмүүсийн Библийн тайлбарт итгэлээ бүү тавь, харин эхлээд Бурханы сурах бичигт хандаж, Түүнтэй ярилцаж, багш маань хэмээн Түүнтэй хамт байх цаг гаргая. Тэр Судраар дамжуулан бидний бүх асуултад хариулах чадвартай. Тэрээр ингэж хэлдэг:

Гуй, тэгвэл та нарт өгнө;
хай, тэгвэл та нар олно;
тогш, тэгвэл та нарт нээгдэнэ.
Учир нь гуйдаг хүн бүр авна.
Матай 7:7-8

Гэрийн даалгавар

Унших: Иохан 14-16
Цээжлэх: 1Иохан 2:27, Иохан 14:26, 1Коринт 2:12

Энэ талаар илүү мэдэхийг хүсвэл The Holy Spirit Our Teacher хэмээх видео сургаалыг үзнэ үү.