पवित्र आत्मा

पवित्र आत्माले तपाईंलाई सिकाउनुहुनेछ र डोर्‍याउनुहुनेछ

यो सम्पूर्ण वेबसाइटको उद्देश्य विश्वासीहरूलाई उत्साह दिनु हो: उनीहरूको अति पवित्र विश्वासमा बढ्न चाहिने सबै कुरा उनीहरूसँग छ, र उनीहरूलाई धर्मशास्त्र अध्ययनको कलेज (सेमिनरी) जान वा डक्टरेट उपाधि भएका मानिसबाट सिक्न आवश्यक छैन। परमेश्वरले पुरुष र स्त्रीहरूलाई शिक्षकको रूपमा प्रयोग गर्नुहुन्न वा उनीहरूलाई यो वरदान दिनुहुन्न भन्ने होइन; तर सिक्नका लागि हामी परमेश्वरका कुराहरू मानिसहरूबाट सिक्नमा भर पर्नुभन्दा पहिले परमेश्वरका आत्माले सिकाउनुहुने परमेश्वरको वचनमा भर पर्नुपर्छ। त्यसैकारण परमेश्वरले हामीलाई सिकाउन परमेश्वरका आत्मा, र हाम्रो पाठ्यपुस्तकको रूपमा परमेश्वरको वचन दिनुभएको छ।

परमेश्‍वरले पवित्र आत्माद्वारा हामीलाई यी कुराहरू प्रकट गर्नुभएको छ । किनकि आत्माले हरेक कुराको खोजी गर्नुहुन्छ, उहाँले परमेश्‍वरका गहिरा कुराहरूको पनि खोजी गर्नुहुन्छ । मानिसमा भएको आत्माबाहेक कसले मानिसका विचारहरू बुझ्‍न सक्छ ? यसरी नै, परमेश्‍वरका आत्माबाहेक कसैले पनि परमेश्‍वरका गहिरा कुराहरू बुझ्दैन । तर हामीले संसारको आत्मा पाएका छैनौँ, तर परमेश्‍वरका आत्मा पाएका छौँ, ताकि परमेश्‍वरले हामीलाई सित्तैँमा दिनुभएका कुराहरू हामीले जान्‍न सकौँ ।
१ कोरिन्थी २:१०-१२

यस खण्डमा हामी देख्छौँ कि आत्माद्वारा मात्र हामी परमेश्वरका कुराहरू सिक्न सक्छौँ। साथै, पावल २ कोरिन्थीमा लेख्छन्:

त्यसैले हाम्रो लक्ष्य धर्मशास्त्रलाई केवल एउटा शैक्षिक अभ्यासको रूपमा अध्ययन गर्नु होइन, तर परमेश्वरका कुराहरूमा आत्माबाट सिक्न खोज्नु हो। हामी ज्ञान थुपार्न चाहँदैनौँ, तर उहाँको स्वरूपमा ढालिन मद्दत गर्ने कुराहरू खोज्न चाहन्छौँ।

यूहन्ना १४ देखि १६ अध्यायमा पवित्र आत्माको विषयमा निर्देशनहरू छन्। यी अध्यायहरूका विशेष गरी दुई पदले पवित्र आत्मालाई शिक्षक र मार्गदर्शकको रूपमा बताउँछन्:

त्यसैले, जब हामी सिक्न र बढ्न चाहन्छौँ, हामी अरू मानिसहरूले दिएका बाइबलका व्याख्यामा भरोसा राख्दैनौँ, तर पहिले परमेश्वरको पाठ्यपुस्तकतिर हेर्छौँ, र हाम्रा शिक्षकको रूपमा उहाँसँग कुरा गर्न र सङ्गति गर्न समय बिताउँछौँ। उहाँले धर्मशास्त्रद्वारा हाम्रा सबै प्रश्नको जवाफ दिन सक्नुहुन्छ। उहाँ भन्नुहुन्छ:

पवित्र आत्माले के गर्नुहुन्छ

उहाँले हामीलाई सान्त्वना दिनुहुन्छ

उहाँले हामीलाई शक्ति दिनुहुन्छ

उहाँले संसारलाई दोषी ठहराउनुहुन्छ

उहाँ सधैँ हामीसँग हुनुहुन्छ

उहाँले हामीलाई “होइन” भन्न मद्दत गर्नुहुन्छ

उहाँले आत्मिक जीवन दिनुहुन्छ

उहाँले विश्वासीहरूमा छाप लगाउनुहुन्छ

के तपाईंसँग पवित्र आत्मा हुनुहुन्छ?

के तपाईंसँग पवित्र आत्मा हुनुहुन्छ? यदि हुनुहुन्न भने, तपाईं परमेश्वरको सन्तान हुनुहुन्न। यदि तपाईंसँग आत्मा हुनुहुन्छ भने, तपाईंलाई कसरी थाहा छ? कुनै अनुभूतिद्वारा? कि परमेश्वरको वचनद्वारा थाहा छ? परमेश्वरको वचनले के भन्छ, हेरौँ:

हामीभित्र भएको आशाको कारण सोध्ने जोसुकैलाई पनि जवाफ दिन हामी तयार रहनुपर्छ (१ पत्रुस ३:१५)। तपाईंसँग किन पवित्र आत्मा हुनुहुन्छ भनेर व्याख्या गर्न के तपाईं तयार हुनुहुन्छ?

गृहकार्य

• पढ्नुहोस्: यूहन्‍ना १४-१६
• कण्ठ गर्नुहोस्: १ यूहन्‍ना २:२७, यूहन्‍ना १४:२६, १ कोरिन्थी २:१२, गलाती ३:२६, गलाती ४:६, यूहन्‍ना ७:३८

यसबारे थप जान्न, भिडियो शिक्षा (अङ्ग्रेजीमा) हेर्नुहोस्: The Holy Spirit Our Teacher।