ઈશ્વરનું વચન સાંભળો
આપણે કેવી રીતે ઉદ્ધાર પામીએ છીએ
“આમ, સંદેશો સાંભળવાથી વિશ્વાસ થાય છે
તથા ખ્રિસ્તનાં વચન દ્વારા સંદેશો સાંભળવામાં આવે છે.”
રોમનો 10:17
“તમારી પાસેથી હું એટલું જ જાણવા ઇચ્છું છું કે,
તમે નિયમશાસ્ત્રનાં કાર્યોથી પવિત્ર આત્મા પામ્યા,
કે વિશ્વાસથી સુવાર્તા સાંભળવાથી પામ્યા?”
ગલાતીઓ 3:2
“એ માટે જે તમને પવિત્ર આત્મા આપે છે
અને તમારામાં પરાક્રમી કામો કરે છે,
તે શું નિયમશાસ્ત્રનાં કાર્યોને લીધે
કે સુવાર્તા સાંભળીને વિશ્વાસ કરવાને લીધે કરે છે?”
ગલાતીઓ 3:5
“કેમ કે ‘જે કોઈ પ્રભુને નામે પ્રાર્થના કરશે તે ઉદ્ધાર પામશે.’
પણ જેમનાં ઉપર તેઓએ વિશ્વાસ કર્યો નથી, તેમને તેઓ કેવી રીતે વિનંતી કરી શકે?
વળી જેમને વિષે તેઓએ સાંભળ્યું નથી, તેમના ઉપર તેઓ કેવી રીતે વિશ્વાસ કરી શકે?
વળી ઉપદેશક વગર તેઓ કેવી રીતે સાંભળી શકે?”
રોમનો 10:13-14
“તમે પણ, સત્યનું વચન એટલે તમારા ઉદ્ધારની સુવાર્તા સાંભળીને,
અને ઈસુ ખ્રિસ્ત પર વિશ્વાસ રાખીને,
તેમનાંમાં આશાવચનના પવિત્ર આત્માથી મુદ્રાંકિત થયા;”
એફેસીઓ 1:13
“કેમ કે જે દિવસથી અમે પ્રભુ ઈસુ ખ્રિસ્તમાં તમારા વિશ્વાસ વિષે
તથા તમારે માટે સ્વર્ગમાં રાખી મૂકેલી આશાને લઈને
સર્વ સંતો પરના તમારા પ્રેમ વિષે સાંભળ્યું. …
તે આશા વિષે તમે સુવાર્તાનાં સત્ય સંદેશામાં અગાઉ સાંભળ્યું હતું;
તે સુવાર્તા તમારી પાસે આવી છે, જે આખા દુનિયામાં ફેલાઈને ફળ આપે છે તથા વધે છે તેમ;
જે દિવસથી તમે સત્યમાં ઈશ્વરની કૃપા વિશે સાંભળ્યું તથા સમજ્યા
તે દિવસથી તે તમારામાં પણ ફળ આપે છે તથા વધે છે.”
કલોસ્સીઓ 1:3-6
નોંધ: ઈશ્વરનું વચન ઉદ્ધાર અને આત્મિક વૃદ્ધિ બંને લાવે છે.
સંતોને
“હા, અમારી સાથે તમારી પણ સંગત થાય,
એ માટે જે અમે જોયું તથા સાંભળ્યું છે,
તે તમને પણ જાહેર કરીએ છીએ;
અને ખરેખર અમારી સંગત પિતાની સાથે
તથા તેમના પુત્ર ઈસુ ખ્રિસ્તની સાથે છે.”
1 યોહાન 1:3
“મારાં ઘેટાં મારો અવાજ સાંભળે છે,
હું તેઓને ઓળખું છું
અને તેઓ મારી પાછળ આવે છે.
હું તેઓને અનંતજીવન આપું છું;
કદી તેઓનો નાશ થશે નહિ
અને મારા હાથમાંથી કોઈ તેઓને છીનવી લેશે નહિ.”
યોહાન 10:27-28
“ભવિષ્યમાં બનવાની બિનાઓ જેઓ વાંચે છે,
આ ભવિષ્યવાણીનું વચન જેઓ સાંભળે છે
અને એમાં જે લખેલું છે તે પાળે છે,
તેઓ આશીર્વાદિત છે, કેમ કે સમય પાસે છે.”
પ્રકટીકરણ 1:3
સાંભળવું પણ અમલ ન કરવો – એ સમસ્યા
“કેમ કે તું તેઓને કોઈ સુંદર અવાજવાળો
અને કુશળ રીતે વાજિંત્ર વગાડનારો હોય તેના જેવો લાગે છે. …
કારણ કે તેઓ તારાં વચનો સાંભળે છે,
પણ તેઓમાંના કોઈ તેનો અમલ કરતો નથી.”
હઝકિયેલ 33:32
“તમે વચનના પાળનારા થાઓ,
પોતાને છેતરીને કેવળ સાંભળનારાં જ નહિ.”
યાકૂબ 1:22
“પણ જે મુક્તિના સંપૂર્ણ નિયમમાં ધ્યાનથી નિહાળે છે
અને તેમાં રહે છે,
જે સાંભળીને ભૂલી જનાર નહિ,
પણ કામ કરનાર થાય છે,
તે જ મનુષ્ય પોતાના વ્યવહારમાં આશીર્વાદિત થશે.”
યાકૂબ 1:25
“કેમ કે જેમ ઇઝરાયલીઓને તેમ આપણને પણ સુવાર્તા પ્રગટ કરવામાં આવેલી છે;
પણ સાંભળેલી વાત તેઓને લાભકારક થઈ નહિ.
જેઓએ ધ્યાન દઈને સાંભળ્યું તેઓની સાથે
તેઓ વિશ્વાસમાં સહમત થયા નહિ.”
હિબ્રૂઓ 4:2
તેથી, આપણે આવા બનવાનું
ટાળવાની ઇચ્છા રાખવી જોઈએ:
- “સાંભળીને ભૂલી જનાર” (યાકૂબ 1:25)
- “કેવળ સાંભળનારાં” (યાકૂબ 1:22)
- “વચન પાળતો નથી” (યાકૂબ 1:23)
- “તેઓ તારાં વચનો સાંભળે છે, પણ તેઓમાંના કોઈ તેનો અમલ કરતો નથી” (હઝકિયેલ 33:32)
ઉદાહરણ તરીકે,
“ઈશ્વરે મનાશ્શા તથા તેના લોકોની સાથે વાત કરી;
પણ તેઓએ ધ્યાન આપ્યું નહિ.”
2 કાળવૃતાંત 33:10
અને
“પણ તેઓએ સાંભળવાનો ઇનકાર કર્યો
અને તેઓએ હઠીલા થઈને પીઠ ફેરવી;
મારું વચન સાંભળે નહિ માટે તેઓએ પોતાના કાન બંધ કર્યા.”
ઝખાર્યા 7:11
મૂલ્યાંકનની રીત:
જ્યારે હું બીજાઓને ઈશ્વરનું વચન શીખવતા સાંભળું છું – પછી તે મંડળીમાં હોય, બાઇબલ
અભ્યાસમાં હોય કે ટેલિવિઝન પર – ત્યારે શું હું સારો અને અસરકારક સાંભળનાર છું?
વચન સાંભળવાની બાબતમાં તમે કેવું કરી રહ્યા છો તે તપાસવા માટે નીચેની રીત સૂચવવામાં આવે છે.
- શું હું પ્રાર્થના કરીને ઈશ્વરને વિનંતી કરું છું કે તે મારી સાથે બોલે અને જીવવા માટે
પોતાના વચનમાંથી મને કંઈક આપે (ગીતશાસ્ત્ર 119:33-34, નહેમ્યા 8:13), જેથી હું આશાભર્યા
હૃદયથી સભામાં જાઉં?
- જે કહેવામાં આવે છે તે સાચું હોઈ શકે એમ માનીને, શું હું વચનને જેમ કહેવામાં આવે છે તેમ ગ્રહણ કરું છું? (પ્રેરિતોનાં કૃત્યો 17:11)
- પછીથી એકાંતમાં ઈશ્વર સાથે ફરી તપાસી શકું તે માટે, શું હું શાસ્ત્રવચનો અને મુખ્ય મુદ્દાઓ લખી લઉં છું?
- એ વાતો એમ જ છે કે નહિ તે જોવા માટે, શું હું સમય કાઢીને મારી નોંધો લઈને ઈશ્વરનાં વચનો
ફરીથી તપાસું છું અને શાસ્ત્રવચનને શાસ્ત્રવચન સાથે સરખાવું છું (પ્રેરિતોનાં કૃત્યો 17:11)?
- આ શાસ્ત્રવચનો સાંભળીને અને ફરી તપાસીને, શું મેં તેના પરિણામે કોઈ ચોક્કસ પગલું ભર્યું છે (યાકૂબ 1:25)?
← વચન ગ્રહણ પાના પર પાછા જાઓ