प्रभु येशू ख्रीष्टमा विश्वास गर्नुहोस्

टिप्पणी: यो लेख सुसमाचार शृङ्खलाको एउटा भाग हो, र ख्रीष्ट हाम्रो निम्ति मर्नुभयो भन्ने लेखको निरन्तरता हो।

धर्मशास्त्रअनुसार, मानवजातिमा जन्मने सबै जना आत्मिक रूपमा मरेका, दण्डका भागीदार, र पापद्वारा परमेश्वरबाट अलग भएका अवस्थामा जन्मन्छन्, र यदि तिनीहरू ख्रीष्टविना मरे भने तिनीहरूले “दोस्रो मृत्यु”, अर्थात् अग्नि-कुण्ड भोग्नेछन्। साथै, परमेश्वरले हाम्रा सबै धार्मिक कामहरू फोहोर, अशुद्ध कपडाझैं छन् भनी घोषणा गर्नुभएको हुनाले, मानिस आफूलाई बचाउन केही पनि गर्न पूर्ण रूपमा असक्षम, एकदमै असहाय र आशाविहीन छ। तर परमेश्वरले दया गरेर येशू ख्रीष्टलाई मर्न र हाम्रा पापहरूको मोल तिर्न संसारमा पठाउनुभयो। उहाँ गाडिनुभयो, तेस्रो दिनमा फेरि जीवित पारिनुभयो, र स्वर्गमा उचालिनुभयो। सबैका निम्ति आफूलाई छुटकाराको मोलको रूपमा दिनुहुने एक मात्र मध्यस्थ भएकोले, येशू ख्रीष्ट नै मरेका, दण्डका भागीदार पापीहरूका निम्ति उद्धार पाउने एक मात्र बाटो हुनुहुन्छ। उहाँले मृत्युपछिको जीवन, दोषी नठहरिने, र यही शारीरिक जीवनमा हामी अब उप्रान्त आत्मिक रूपमा मरेका नभई आफ्नो आत्मामा जीवित हुनेछौँ भन्ने प्रतिज्ञा गर्नुहुन्छ। यो अनन्त जीवन पाउन र आफ्नो आत्मामा नयाँ जन्म पाउन मानिसले के गर्नुपर्छ?

पश्चात्ताप गर्नुहोस् र विश्वास गर्नुहोस्

पश्चात्ताप गर्नु भनेको पाप र आफ्नै विषयमा मन परिवर्तन गर्नु, पापबाट फर्केर परमेश्वरतिर फर्कनु हो।

यो आह्वान कुनै अपवादविना, सबै ठाउँका सबै जनाका निम्ति हो।

उहाँमा विश्वास गर्नुहोस्

जब यी मानिसहरूले परमेश्वरलाई सन्तुष्ट पार्न आफूले के गर्नुपर्छ भनी येशूलाई सोधे, उत्तर एकदमै स्पष्ट थियो... उहाँमा विश्वास गर!

कृपया निम्न धर्मशास्त्रहरूमा विचार गर्नुहोस्:

मेरो वचन सुन र उहाँमा विश्वास गर

यो पदलाई फेरि हेर्दा, कृपया प्रतिज्ञाहरू पाउनका निम्ति दिइएका दुईवटा सर्तहरूमा ध्यान दिनुहोस्: “जसले मेरो वचन सुन्छ र मलाई पठाउनुहुनेलाई विश्‍वास गर्छ...”। परमेश्वरले अनन्त जीवन र दोषी नठहरिने प्रतिज्ञा गर्नुभएको छ, तर यो प्रतिज्ञा केवल सुन्ने र विश्वास गर्नेहरूलाई मात्र गरिएको छ।

उहाँमा विश्वास गर्नुहोस् र उहाँलाई स्वीकार गर्नुहोस्

“परमेश्वरबाट जन्मेका” हुन यी मानिसहरूले के गरे? यस धर्मशास्त्रअनुसार, तिनीहरूले उहाँको नाउँमा विश्वास गरेर उहाँलाई स्वीकार गरे। आज जतिले उहाँको नाउँमा विश्वास गरेर उहाँलाई स्वीकार गर्छन्, तिनीहरू पनि परमेश्वरबाट जन्मनेछन्।

विश्वास गर्ने सबै धर्मी ठहरिन्छन्

प्रेरित १० मा पत्रुस र प्रेरित १३ मा पावल दुवैले प्रभु हुनुहुने येशू ख्रीष्टमा विश्वास गर्नेहरूलाई “पापको क्षमा” दिइनेछ भनी प्रचार गरे।

आफ्नो हृदयले विश्वास गर्नुहोस्

यस धर्मशास्त्रअनुसार, आफ्नो हृदयमा विश्वास गर्नेहरू परमेश्वरको दृष्टिमा धर्मी ठहराइनेछन्।

अब के गर्ने?

यदि तपाईंले प्रभु येशू ख्रीष्टमा विश्वास गर्नुभएको छ भने, तपाईं नाश हुने बीउबाट होइन, तर अविनाशी बीउ, अर्थात् परमेश्वरको वचनद्वारा नयाँ जन्म पाउनुभएको छ, र भर्खरै जन्मेको बालकझैँ तपाईंले त्यस वचनको शुद्ध दूधको इच्छा गर्नुपर्छ, ताकि त्यसद्वारा तपाईं बढ्न सक्नुहोस्। त्यसपछि यसलाई कसरी ग्रहण गर्ने भनी जान्न वचनको महत्त्व र परमेश्वरको वचन ग्रहण गर्ने पाँच तरिका पढ्नुहोस्। अनि जब तपाईं जगका कुराहरूका निम्ति तयार हुनुहुन्छ, विश्वासका प्रारम्भिक सिद्धान्तहरू अध्ययन गर्नुहोस्।