எல்லோரும் பாவம் செய்தார்கள்
குறிப்பு: இந்தக் கட்டுரை நற்செய்தித் தொடரின் ஒரு பகுதியாகும்.
தேவன் மனிதனைப் படைத்தார்
ஆதியாகமம் 1:1
அவனைத் தேவசாயலாகவே உருவாக்கினார்;
ஆணும் பெண்ணுமாக அவர்களை உருவாக்கினார்.
ஆதியாகமம் 1:27
ஆதியிலே, வானத்தையும் பூமியையும் படைத்த தேவன், மனிதனைத் தம்முடைய சொந்த சாயலாகப் படைத்தார். அதற்கு முன்பே தேவன் நட்சத்திரங்களையும், மரங்களையும், மீன்களையும், பறவைகளையும், நிலத்தில் வாழும் எல்லா விலங்குகளையும் உண்டாக்கியிருந்தார்; ஆனால் மனிதன் மட்டுமே தேவனுடைய சாயலில் படைக்கப்பட்டான்.
மனிதன் உயிருள்ள ஆத்துமாவானான்
உயிரடையச்செய்யும் சுவாசத்தை அவனுடைய மூக்கின் துவாரத்திலே ஊதினார்,
மனிதன் உயிருள்ள ஆத்துமாவானான்.
ஆதியாகமம் 2:7
தேவன் தம்முடைய சுவாசத்தை மனிதனுக்குள் ஊதியதால், தேவனுடைய முழுப் படைப்பிலும் மனிதன் தனித்துவமானவனாக இருந்தான். தேவன் மனிதனை விலங்குகளிலிருந்து வேறுபட்டவனாக உண்டாக்கினார்: அவனுக்கு ஒரு சரீரம் மட்டுமல்ல, உயிருள்ள ஆத்துமாவும் இருந்தது.
தேவனுடைய ஒரே கட்டளை
தேவனாகிய யெகோவா, பார்வைக்கு அழகும் சாப்பிடுவதற்கு ஏற்ற அனைத்துவித மரங்களையும், தோட்டத்தின் நடுவிலே வாழ்வளிக்கும் மரத்தையும், நன்மை தீமை அறியத்தக்க ஆற்றலைக் கொடுக்கும் மரத்தையும் பூமியிலிருந்து முளைக்கச்செய்தார்.
தேவனாகிய யெகோவா மனிதனை ஏதேன் தோட்டத்திற்கு அழைத்துவந்து,
அதைப் பண்படுத்தவும் காக்கவும் வைத்தார்.
தேவனாகிய யெகோவா மனிதனை நோக்கி:
“நீ தோட்டத்திலுள்ள அனைத்து மரங்களின் பழங்களையும் தாராளமாக சாப்பிடலாம்.
ஆனாலும் நன்மை தீமை அறியத்தக்க மரத்தின் பழத்தை
சாப்பிடவேண்டாம்;
அதை நீ சாப்பிடும் நாளில்
சாகவே சாவாய்” என்று கட்டளையிட்டார்.
ஆதியாகமம் 2:9, 15-17
தேவன் ஏதேன் தேசத்தில் பலவிதமான மரங்களைக் கொண்ட ஒரு தோட்டத்தை உண்டாக்கினார். தோட்டத்தின் நடுவில் இரண்டு விசேஷமான மரங்கள் இருந்தன: வாழ்வளிக்கும் மரமும், நன்மை தீமை அறியத்தக்க மரமும். அழகான பழமரங்கள் எல்லாவற்றிலிருந்தும் அவர்கள் சாப்பிடலாம் என்று தேவன் சொன்னார் – ஒன்றைத் தவிர. அந்த இரண்டு விசேஷ மரங்களில் ஒன்றான நன்மை தீமை அறியத்தக்க மரத்தைக் குறித்து தேவன் சொன்னது: “சாப்பிடவேண்டாம்!” அந்த மரத்திலிருந்து சாப்பிடக்கூடாது என்று தேவன் மனிதனுக்குக் கட்டளையிட்டது மட்டுமல்லாமல், அதைச் சாப்பிடும் அதே நாளில் அவன் நிச்சயமாகச் சாவான் என்றும் சொன்னார்.
மனிதன் தேவனுக்குக் கீழ்ப்படியவில்லை
அப்பொழுது அந்தப் பெண், அந்த மரத்தின் பழம் சாப்பிடுவதற்கு நல்லதும்,
பார்வைக்கு இன்பமும்,
புத்தியைத் தெளிவிக்கிறதற்கு ஆசைப்படத்தக்க பழமுமாக இருக்கிறது என்று கண்டு,
அந்தப் பழத்தைப் பறித்து, சாப்பிட்டு,
தன் கணவனுக்கும் கொடுத்தாள்;
அவனும் சாப்பிட்டான்.
ஆதியாகமம் 3:6
பாம்பினால் வஞ்சிக்கப்பட்டு, தூண்டப்பட்டு, அவள் அந்தப் பழத்தைச் சாப்பிட்டாள். மரமும் அதின் பழமும் அழகாக இருப்பதைக் கண்டு, அது தன்னை ஞானியாக்கும் என்று நம்பி, அவள் அதைச் சாப்பிட்டாள்; பின்பு தன் கணவனுக்கும் கொடுத்தாள், அவனும் சாப்பிட்டான்.
ஆனால் நினைவில் கொள்ளுங்கள், தேவன் சொல்லியிருந்தார்…
ரோமர் 4:3a
அவன் இறந்தானா?
அவர்கள் தாங்கள் நிர்வாணிகள் என்று அறிந்து,
அத்தி இலைகளைத் சேர்த்து,
தங்களுடைய இடுப்புகளை மறைத்துக்கொண்டார்கள்.
ஆதியாகமம் 3:7
அப்படியானால் அவர்கள் இறந்தார்களா? அவர்களுடைய கண்கள் திறக்கப்பட்டன, அவர்கள் தங்களை மறைத்துக்கொண்டார்கள். சரீரப்பிரகாரமாக அவர்கள் உயிரோடும் நலமாகவும் இருந்தார்கள். ஆதாமும் ஏவாளும் சரீரப்பிரகாரமாக இறக்கவில்லை என்பது இந்தப் பகுதியிலிருந்து தெளிவாகிறது. ஆனாலும் தேவன் மிகத் தெளிவாகச் சொல்லியிருந்தார்:
சாகவே சாவாய்”
ஆதியாகமம் 2:17
அவர்கள் இறந்தார்கள்!
குறிப்பு: மனிதன் தேவனோடு என்றென்றும் வாழும்படியே படைக்கப்பட்டான். ஆதாம் பாவம் செய்த நாளிலேயே அவன் ஆவிக்குரியபிரகாரமாக மரித்தான், அவனுடைய சரீரம் மரிக்கும் செயல்முறையும் தொடங்கியது; அது 930 வயதில் அவனுடைய சரீர மரணத்தில் முடிந்தது (ஆதியாகமம் 5:5). அவரைவிட்டுப் பிரிந்திருப்பவர்களுக்கு, தேவனைவிட்டு என்றென்றைக்குமாகப் பிரிக்கப்படுதலாகிய நிச்சயமான "இரண்டாம் மரணம்" (வெளிப்படுத்தின விசேஷம் 20:14) காத்திருக்கிறது.
மனிதனின் ஆவிக்குரிய மரணம்
பகலில் குளிர்ச்சியான வேளையிலே தோட்டத்தில் உலாவுகிற தேவனாகிய யெகோவாவுடைய சத்தத்தை அவர்கள் கேட்டார்கள். அப்பொழுது ஆதாமும் அவனுடைய மனைவியும் தேவனாகிய யெகோவாவுக்கு முன்பாக விலகி, தோட்டத்தின் மரங்களுக்குள்ளே ஒளிந்துகொண்டார்கள்.
அப்பொழுது தேவனாகிய யெகோவா ஆதாமைக் கூப்பிட்டு:
“நீ எங்கே இருக்கிறாய்” என்றார்.
அதற்கு அவன்: “நான் தேவரீருடைய சத்தத்தைத் தோட்டத்திலே கேட்டு,
நான் நிர்வாணியாக இருப்பதால்
பயந்து,
ஒளிந்துகொண்டேன்” என்றான்.
ஆதியாகமம் 3:8-10
கவனியுங்கள்: அவர்கள் தேவனுக்குக் கீழ்ப்படியாமல் போவதற்கு முன்பு, ஆதியாகமம் 2:25 இப்படிச் சொல்லுகிறது:
ஆனால் இப்பொழுது, விலக்கப்பட்ட பழத்தைச் சாப்பிட்ட பின்பு, அவர்கள் தாங்கள் நிர்வாணிகள் என்று அறிந்து தங்களை மறைத்துக்கொண்டார்கள்; தேவனுடைய சமுகத்திலிருந்து ஒளிந்துகொண்டார்கள்; யெகோவா கூப்பிட்டபோது ஆதாம் பயந்தான். அவர்களுக்கு ஏதோ நடந்திருந்தது – ஆனால் சரீரப்பிரகாரமாக அல்ல. அந்த மாற்றம் உள்ளுக்குள்ளே நடந்தது. ஆம், தேவன் சொன்னபடியே அவர்கள் மரித்தார்கள்; ஆனால் அது சரீர மரணம் அல்ல, ஆவிக்குரிய மரணம் (எபேசியர் 2:5, கொலோசெயர் 2:13).
எபேசியர் 2:1
கொலோசெயர் 2:13
ஆதாமின் மகனைப் பற்றி என்ன?
தன் சாயலாகத் தன் உருவத்தைப்போல
ஒரு மகனைப் பெற்றெடுத்து,
அவனுக்கு சேத் என்று பெயரிட்டான்.
ஆதியாகமம் 5:3
ஆதாம் தன் மகனைப் பெற்றபோது, அந்தக் குழந்தை தன் தகப்பனாகிய ஆதாமின் சாயலிலும் உருவத்திலும் பிறந்தது என்று எழுதப்பட்டிருக்கிறது.
ஆதாம் தேவனுடைய சாயலில் படைக்கப்பட்டான். சேத்தோ, ஆவிக்குரியபிரகாரமாக மரித்துப்போயிருந்த தன் தகப்பனாகிய ஆதாமின் சாயலிலும் உருவத்திலும் பிறந்தான். ஆகவே சேத்தும் பிறப்பிலிருந்தே ஆவிக்குரியபிரகாரமாக மரித்தவனாக இருந்தான்.
எல்லா மனிதர்களுக்கும் இதுவே உண்மை
என்ன நடந்தது என்பதை இன்னும் நன்றாகப் புரிந்துகொள்ள, நாம் ரோமர் 5:12-க்குச் செல்லவேண்டும்:
இப்படியாக, ஒரே மனிதனாலே பாவமும்
பாவத்தினாலே மரணமும் உலகத்திலே நுழைந்ததுபோலவும்,
எல்லா மனிதர்களும் பாவம் செய்ததினால்,
மரணம் எல்லோருக்கும் வந்ததுபோலவும் இதுவும் ஆனது.
ரோமர் 5:12
ஒரே மனிதனாகிய ஆதாமின் மூலம் பாவம் உலகத்திற்குள் வந்தது. அதன் விளைவு ஆவிக்குரிய மரணம்; பின்பு இந்த ஆவிக்குரிய மரணம் எல்லா மனிதர்களுக்கும் பரவியது. ஆகவே ஒவ்வொரு மனிதனும், ஆதாமின் ஒவ்வொரு சந்ததியும், ஆவிக்குரியபிரகாரமாக மரித்தவனாகவே இந்த உலகத்தில் பிறக்கிறான்.
உனக்கும் இதுவே உண்மை
ஆதாம் தேவனுக்கு விரோதமாகக் கலகம் செய்த பின்பு பிறந்த அவனுடைய சந்ததியைக் குறித்து, இந்த மூன்று வசனங்களைக் கவனியுங்கள்:
ஆனாலும் மீறுதலின் பலன் கிருபை வரத்தின் பலனுக்கு ஒப்பானது இல்லை.
எப்படியென்றால், ஒருவனுடைய மீறுதலினாலே அநேகர் மரித்திருக்க,
தேவனுடைய கிருபையும் இயேசுகிறிஸ்து என்னும் ஒரே மனிதனுடைய கிருபையினாலே வரும் ஈவும்
அநேகர்மேல் அதிகமாகப் பெருகியிருக்கிறது.
ரோமர் 5:15
எனவே, ஒரே மீறுதலினாலே எல்லா மனிதர்களுக்கும் தண்டனைக்குரிய தீர்ப்பு உண்டானதுபோல,
ஒரே நீதியினாலே எல்லா மனிதர்களுக்கும் ஜீவனைக் கொடுக்கும் நீதிக்குரிய தீர்ப்பு உண்டானது.
ரோமர் 5:18
அன்றியும் ஒரே மனிதனுடைய கீழ்ப்படியாமையினாலே அநேகர் பாவிகளாக்கப்பட்டதுபோல,
ஒருவருடைய கீழ்ப்படிதலினாலே அநேகர் நீதிமான்களாக்கப்படுவார்கள்.
ரோமர் 5:19
ஆதாமின் சரீரப்பிரகாரமான சந்ததியினர் ஆவிக்குரியபிரகாரமாக மரித்தவர்கள் மட்டுமல்ல, தண்டனைத் தீர்ப்புக்கு உட்பட்டவர்களுமாக இருக்கிறார்கள்; வேதம் அவர்களைப் பாவிகள் என்று அழைக்கிறது. ஆனால் இந்த நிலை அவர்களுடைய சொந்தக் கீழ்ப்படியாமையினால் உண்டானதல்ல என்பதைக் கவனியுங்கள். வேதம் சொல்லுகிறது:
| ஒருவனுடைய மீறுதலினாலே | நாம் மரித்தவர்களானோம் |
| ஒரே மீறுதலினாலே | நமக்குத் தண்டனைத் தீர்ப்பு வந்தது |
| ஒரே மனிதனுடைய கீழ்ப்படியாமையினாலே | நாம் பாவிகளானோம் |
ஆதாமோடு நமக்கு இருக்கும் தொடர்பு நம்மை ஆவிக்குரியபிரகாரமாக மரித்தவர்களாக்குகிறது என்றால்…
ஆதாமோடு நமக்கு இருக்கும் தொடர்பு நம்மைத் தண்டனைத் தீர்ப்புக்கு உட்படுத்துகிறது என்றால்…
ஆதாமோடு நமக்கு இருக்கும் தொடர்பு நம்மைப் பாவிகளாக்குகிறது என்றால்,
நாம் எப்பொழுது ஆதாமோடு இணைக்கப்பட்டோம்?
பதில்: கருவில் உருவான கணத்திலேயே.
இதோ, நான் அநீதியில் உருவானேன்;
என்னுடைய தாய் என்னைப் பாவத்தில் கர்ப்பந்தரித்தாள்.
சங்கீதம் 51:5
கருவில் உருவாகும் அந்தக் கணத்திலேயே நாம் ஆதாமோடு இணைக்கப்படுகிறோம். நமக்கு இரண்டு கண்கள், ஒரு மூக்கு இருக்கின்றன – வேதத்தின்படி, மரித்த ஒரு ஆவியும் இருக்கிறது. இப்படியாக, நம்மில் ஒவ்வொருவரும் கருவில் உருவாகும் அந்தக் கணத்திலேயே மனித இனத்தின் ஒரு அங்கமாகவும், ஆதாமின் ஒரு சந்ததியாகவும், மரித்த, தண்டனைத் தீர்ப்புக்குட்பட்ட ஒரு பாவியாகவும் ஆகிவிடுகிறோம்.
இப்படி எழுதியிருக்கிறது
ஆதாமுக்குப் பின் பிறந்து, தன் இயல்பான நிலையில் இருக்கும் மனிதனைக் குறித்து தேவன் இப்படிச் சொல்லுகிறார்:தேவனைத் தேடுகிற உணர்வுள்ளவன் உண்டோ என்று பார்க்க,
யெகோவா பரலோகத்திலிருந்து மனிதர்களை கண்ணோக்கினார்.
எல்லோரும் வழிவிலகி,
ஒன்றாகக் கெட்டுப்போனார்கள்;
நன்மை செய்கிறவன் இல்லை, ஒருவன்கூட இல்லை.
சங்கீதம் 14:2-3
ஒரு பாவமும் செய்யாமல், நன்மையே செய்யக்கூடிய
நீதிமான் பூமியில் இல்லை.
பிரசங்கி 7:20
நாம் எல்லோரும் ஆடுகளைப்போல வழிதப்பித் திரிந்து…
ஏசாயா 53:6a
நாங்கள் அனைவரும் தீட்டானவர்கள்போல இருக்கிறோம்;
எங்களுடைய நீதிகளெல்லாம் அழுக்கான கிழிந்த ஆடையைப்போல இருக்கிறது,
நாங்கள் அனைவரும் இலைகளைப்போல் உதிருகிறோம்;
எங்களுடைய அக்கிரமங்கள் எங்களைக் காற்றைப்போல் அடித்துக்கொண்டுபோகிறது.
ஏசாயா 64:6
அப்படியே:
ஒருவன்கூட நீதிமான் இல்லை;
உணர்வுள்ளவன் இல்லை;
தேவனைத் தேடுகிறவன் இல்லை;
எல்லோரும் வழிதவறி, ஒன்றாகக் கெட்டுப்போனார்கள்;
நன்மைசெய்கிறவன் இல்லை, ஒருவன்கூட இல்லை.
ரோமர் 3:10-12
அவைகளில் நீங்கள் முற்காலத்திலே இந்த உலக வழக்கத்திற்கு ஏற்றபடியும்,
கீழ்ப்படியாத பிள்ளைகளிடம் இப்பொழுது செயலாற்றும் ஆகாயத்து அதிகாரப் பிரபுவின் ஆவிக்குரியபடியும் நடந்துகொண்டீர்கள்.
அவர்களுக்குள்ளே நாமெல்லோரும் முற்காலத்திலே நமது சரீர விருப்பத்தின்படியே நடந்து,
நமது சரீரமும் மனதும் விரும்பினவைகளைச் செய்து,
சுபாவத்தினாலே மற்றவர்களைப்போலக் கோபத்தின் பிள்ளைகளாக இருந்தோம்.
அக்கிரமங்களில் மரித்தவர்களாக இருந்த நம்மைக் கிறிஸ்துவோடு உயிர்ப்பித்தார்;
எபேசியர் 2:2,3,5a
உங்களுடைய பாவங்களினாலேயும்,
உங்களுடைய சரீரவிருத்தசேதனம் இல்லாமையினாலேயும் மரித்தவர்களாக இருந்த உங்களையும்…
கொலோசெயர் 2:13a
எல்லோரும் பாவம் செய்தார்கள்
சுருக்கமாகச் சொன்னால்: “ஒரே மனிதனாலே பாவமும் பாவத்தினாலே மரணமும் உலகத்திலே நுழைந்ததுபோலவும், எல்லா மனிதர்களும் பாவம் செய்ததினால், மரணம் எல்லோருக்கும் வந்ததுபோலவும்” இருப்பதால், மனித இனத்தின் அங்கத்தினர்கள் எல்லோரும்:- ஆவிக்குரியபிரகாரமாக மரித்தவர்கள்
- தண்டனைத் தீர்ப்புக்குட்பட்டவர்கள்
- பாவிகள்
நாம் ஆதாமின் மூலம் மட்டும் தண்டனைத் தீர்ப்புக்கு உட்பட்டவர்கள் அல்ல; நம்மில் ஒவ்வொருவரும் தனிப்பட்ட முறையில் தேவனுடைய பிரமாணத்தை மீறியிருக்கிறோம். அப்படியானால் நாம் எப்படிப் பாவம் செய்தோம்? – அதைப் பற்றிய விரிவான ஆய்வு இன்னும் தமிழில் மொழிபெயர்க்கப்படவில்லை.
இதைப் பற்றி மேலும் அறிய வீடியோ போதனையைப் பாருங்கள் (ஆங்கிலத்தில்): What is a sinner?