గ్రంథములో నమోదు చేయుము!

దేవుడు మనకు చూపు సంగతులను వ్రాయుటకు ఒక నోట్‌బుక్ కలిగియుండుట ప్రాముఖ్యము, తద్వారా మనము ఆ సంగతులను జ్ఞాపకము చేసికొనుటకు తరువాత ఆ పుస్తకమును తిరిగి చూడగలము.

దేవుడు "...వ్రాయుము..." అనియు "...గ్రంథములో లిఖింపుము..." అనియు ఈ కారణముచేత చెప్పెను: "...అది రాబోవు కాలమునకు ఉండునట్లు...".

వ్రాయుట యొక్క ఉద్దేశము భవిష్యత్తు కొరకని ఈ లేఖనమునుండి మనకు తెలియుచున్నది. మనమే గాని మరియొకరు గాని తరువాత భవిష్యత్తులో ఏదో ఒక సమయమున ఆ మాటలను చదువుటకొరకు మనము మాటలను వ్రాయుదుము.

జ్ఞాపకార్థముగా దీనిని వ్రాయుము

“తరువాత అమాలేకీయులు వచ్చి రెఫీదీములో ఇశ్రాయేలీయులతో యుద్ధముచేయగా, మోషే యెహోషువతో, మనకొరకు మనుష్యులను ఏర్పరచి వారిని తీసికొని బయలువెళ్లి అమాలేకీయులతో యుద్ధముచేయుము; రేపు నేను దేవుని కఱ్ఱను చేతపట్టుకొని ఆ కొండ శిఖరముమీద నిలిచెదననెను. యెహోషువ మోషే తనతో చెప్పినట్లు చేసి అమాలేకీయులతో యుద్ధమాడెను; మోషే అహరోను, హూరు అనువారు ఆ కొండ శిఖరమెక్కిరి. మోషే తన చెయ్యి పైకెత్తినప్పుడు ఇశ్రాయేలీయులు గెలిచిరి; మోషే తన చెయ్యి దింపినప్పుడు అమాలేకీయులు గెలిచిరి, మోషే చేతులు బరువెక్కగా వారు ఒక రాయి తీసికొనివచ్చి అతడు దానిమీద కూర్చుండుటకై దానివేసిరి. అహరోను హూరులు ఒకడు ఈ ప్రక్కను ఒకడు ఆ ప్రక్కను అతని చేతులను ఆదుకొనగా అతని చేతులు సూర్యుడు అస్తమించువరకు నిలుకడగా ఉండెను. అట్లు యెహోషువ కత్తివాడిచేత అమాలేకు రాజును అతని జనులను గెలిచెను. అప్పుడు యెహోవా మోషేతో నిట్లనెను, నేను అమాలేకీయుల పేరు ఆకాశముక్రింద నుండకుండ బొత్తిగా తుడిచివేయుదును గనుక జ్ఞాపకార్థముగా గ్రంధములో దీని వ్రాసి యెహోషువకు వినిపింపుము. తరువాత మోషే ఒక బలిపీఠమును కట్టి దానికి యెహోవా నిస్సీ అని పేరు పెట్టి, అమాలేకీయులు తమచేతిని యెహోవా సింహాసనమునకు విరోధముగా ఎత్తిరి గనుక యెహోవాకు అమాలేకీయులతో తరతరములవరకు యుద్ధమనెను.”
నిర్గమకాండము 17:8-16

యుద్ధము ముగిసి యెహోషువ జయించిన తరువాత, ఇట్లు వ్రాయబడియున్నది,

ఈ ఆలోచన మోషేదికాదు, దేవునిదే. ఈ విజయము ఒక గ్రంథములో నమోదు చేయబడవలెననియు, తరువాత అది జ్ఞాపకము చేయబడవలెననియు దేవుడు కోరెను.

యెహోషువ చెవులలో దీనిని వినిపింపుము

యెహోవా చేసినదానిని జ్ఞాపకముంచుకొనుటకు ఈ జ్ఞాపకము ఎట్లు ఉపయోగింపబడెనో ద్వితీయోపదేశకాండము 7:17-19లో మనము చూతుము:

“ఈ జనములు నాకంటె విస్తారముగా ఉన్నారు, నేను ఎట్లు వారిని వెళ్లగొట్టగలనని నీవనుకొందువేమో, వారికి భయపడకుము. నీ దేవుడైన యెహోవా ఫరోకును ఐగుప్తుదేశమంతటికిని చేసిన దానిని, అనగా నీ దేవుడైన యెహోవా నిన్ను రప్పించినప్పుడు నీ కన్నులు చూచిన ఆ గొప్ప శోధనలను సూచక క్రియలను మహత్కార్యములను బాహుబలమును, చాచిన చేతిని బాగుగ జ్ఞాపకము చేసికొనుము. నీకు భయము పుట్టించుచున్న ఆ జనులకందరికి నీ దేవుడైన యెహోవా ఆలాగే చేయును.”
ద్వితీయోపదేశకాండము 7:17-19

శత్రువులకు భయపడవద్దనియు, బదులుగా దేవుడు గతములో తమకొరకు చేసినదానిని జ్ఞాపకముంచుకొని తమ విశ్వాసములో ప్రోత్సహింపబడవలెననియు ప్రజలు దేవునిచేత ఆజ్ఞాపింపబడిరి. గ్రంథములో వ్రాయబడిన మాటలు వారు జ్ఞాపకముంచుకొనుటకు సహాయపడును.

ఈ లేఖనములనుండి, గ్రంథములో ఈ క్రిందివాటిని వ్రాయుట దేవునినుండి వచ్చినదనియు, మన మేలుకొరకనియు మేము నమ్ముచున్నాము:

1. లేఖనములనుండి దేవుడు మనకు చూపుచున్నది
2. ఆ లేఖనముల వెలుగులో మనము చేయవలెనని బలవంతముగా అనిపించిన నిర్దిష్ట చర్యలు
3. ఆ చర్యల ఫలితముగా దేవుడు మన జీవితములలో సంభవింపనిచ్చిన సంగతులు.

కావున ఒక నోట్‌బుక్‌ను తీసికొని, ప్రతిదినము ఆయనతో సహవాసము చేయుచుండగా దేవుడు నీకు బయలుపరచునది వ్రాయుట ప్రారంభించుము, తరువాత ఒక సమయమున దానిని నీ చెవులలో మరల వినిపించుకొనుము.

దశాబ్దములపాటు దీనిని ఆచరించిన ఉదాహరణలకొరకు, 25+ సంవత్సరముల ఒక వ్యక్తి యొక్క ప్రశాంతసమయ నోట్‌బుక్‌ల డైరీ అయిన psalm10218.com చూడుము.

సంబంధిత వ్యాసములు

• దివారాత్రము దాని ధ్యానించినయెడల

← వాక్య స్వీకరణకు తిరిగి వెళ్ళుము