“चक्र” द्वारा हाम्रो हिँडाइको मूल्याङ्कन
स्वर्गीय डसन ट्रटम्यान, नेभिगेटर्स (The Navigators) का संस्थापकको “चक्र” नामक यो चित्र प्रभुसँगको हाम्रो हिँडाइको मूल्याङ्कन गर्ने अत्यन्त प्रभावकारी साधन हो। डसनले देखे, कि ख्रीष्टियन जीवन बिचमा ख्रीष्ट भएको पाङ्ग्राजस्तै हो, र सडक भनेको जीवन हो। ख्रीष्ट हाम्रो जीवनको केन्द्र हुनुहुन्छ र उहाँले नै हामीलाई ख्रीष्टियन जीवन जिउने शक्ति दिनुहुन्छ। बिचमा येशू नभई हामी ख्रीष्टियन जीवन जिउन सक्दैनौँ। डन्डीहरूले हामीले ख्रीष्टियनको रूपमा गर्नुपर्ने कुराहरू देखाउँछन्: वचन, प्रार्थना, सङ्गति र साक्षी। आज्ञाकारिता टायर हो, अर्थात् “जहाँ टायरले सडक (जीवन) छुन्छ”। येशूले हामीलाई गर्न भन्नुभएका सबै कुरा हामी गरिरहेका हुन्छौँ, तब हाम्रो पाङ्ग्रा सजिलै गुड्छ। तर कुनै एउटा डन्डी छोटो भयो भने पाङ्ग्राको सन्तुलन बिग्रन्छ। समय-समयमा हामीले ख्रीष्टियनको रूपमा आफ्नो हिँडाइको मूल्याङ्कन गर्नुपर्छ। हामी कसरी हिँडिरहेका छौँ भनी जाँच्ने प्रभावकारी उपाय यो चक्र हो।
(चित्रमा अङ्ग्रेजीमा लेखिएका शब्दहरू: Christ = ख्रीष्ट; The Word = वचन; Prayer = प्रार्थना; Fellowship = सङ्गति; Witnessing = साक्षी; “The Obedient Christian in Action” = “कार्यमा आज्ञाकारी ख्रीष्टियन”।)
केन्द्रमा ख्रीष्ट। हाम्रो जीवनको केन्द्रमा येशू ख्रीष्ट हुनुपर्छ। धुरीविना पाङ्ग्रा गुड्न सक्दैन। त्यसरी नै, येशू ख्रीष्टविना हामी ख्रीष्टियन जीवन जिउन सक्दैनौँ:
यूहन्ना १५:५
भजनसंग्रह २७:४
प्रस्थान २५:२२
- वचन। के हामी परमेश्वरको वचन ग्रहण गरिरहेका छौँ?
यो डन्डी पाँचवटा भागले बनेको छ:
- सुन्नु। के हामी वचन सुनिरहेका छौँ?
- पढ्नु। के हामी वचन पढिरहेका छौँ?
- अध्ययन। के हामी वचनको अध्ययन गरिरहेका छौँ?
- मनन। के हामी वचनमा मनन गरिरहेका छौँ?
- कण्ठ गर्नु। के हामी वचन कण्ठ गरिरहेका छौँ?
- प्रार्थना। के हामी जस्तो गर्नुपर्ने हो त्यस्तै प्रार्थना गरिरहेका छौँ,
र परमेश्वरको इच्छा जान्न खोजिरहेका छौँ? बाइबलले प्रार्थना गर्ने कम्तीमा ३ तरिका र
प्रार्थनाका ४ प्रकारको बारेमा बताउँछ।
प्रार्थना गर्ने ३ तरिका यी हुन्:
- निरन्तर प्रार्थना।
के म सचेत भएर सधैँ प्रभुसँग प्रार्थना गरिरहन्छु?
नरोकी प्रार्थना गरिरहो।
१ थेसलोनिकी ५:१७ - अरूहरूको सामु गरिने प्रार्थना। उदाहरणका लागि, खाना खानुअघि, यात्रा गर्नुअघि
सुरक्षाको निम्ति, आदि।
त्यति भनिसकेपछि, उनले रोटी लिए र सबैको सामु परमेश्वरलाई धन्यवाद दिए । त्यसपछि उनले त्यो रोटी भाँचे अनि खान सुरु गरे ।
प्रेरित २७:३५ - जागा रहनु, अर्थात् प्रार्थनाको निम्ति छुट्याइएको समय।
उहाँ चेलाहरूकहाँ आउनुभयो र तिनीहरूलाई सुतिरहेको भेट्टाउनुभयो, र उहाँले पत्रुसलाई भन्नुभयो, “के तिमीहरू मसँग एक घण्टाको लागि पनि जागा रहन सकेनौ ?”
मत्ती २६:४०
- आराधना (भजनसंग्रह १४६:१-२)
- पाप स्वीकार (१ यूहन्ना १:९)
- धन्यवाद (एफिसि ५:२०)
- बिन्ती:
- अरूको निम्ति मध्यस्थता (१ तिमोथी २:१, एफिसि ६:१८)
- विशेष बिन्तीहरू (१ शमूएल १:२७)
- व्यक्तिगत बिन्तीहरू (मत्ती ७:७)
- निरन्तर प्रार्थना।
के म सचेत भएर सधैँ प्रभुसँग प्रार्थना गरिरहन्छु?
- सङ्गति। साँचो सङ्गति परमेश्वर र उहाँको वचनको बारेमा हामी आफैँले जे देखेका
र सुनेका छौँ, त्यो एक-अर्कालाई घोषणा गर्नुमा आधारित हुन्छ। के हामी परमेश्वरले हामीलाई
देखाउनुभएका आत्मिक कुराहरू मण्डलीमा अरू विश्वासीहरूसँग, एउटै शरीरको रूपमा, बाँडिरहेका छौँ?
जुन हामीले देखेका र सुनेका छौँ, हामी तिमीहरूलाई पनि घोषणा गर्छौं, ताकि हामीहरूसँग तिमीहरूको सङ्गति होस् । हाम्रो सङ्गति पिता र उहाँको पुत्र येशू ख्रीष्टसँग हुन्छ ।
१ यूहन्ना १:३ - साक्षी। के हामी संसारलाई हाम्रा मुक्तिदाताको बारेमा साक्षी दिइरहेका छौँ,
र के हामी आफैँ सुसमाचार पालन गर्न तयार छौँ? (सुसमाचार पालन नगरेको कसैलाई साक्षी
दिने व्यावहारिक उदाहरणको लागि हेर्नुहोस्:
“तिमीहरू विश्वासमा छौ कि छैनौ भनी आफैँले जाँच…”।)
तर जब पवित्र आत्मा तिमीहरूमाथि आउनुहुन्छ, तिमीहरूले शक्ति प्राप्त गर्नेछौ, अनि तिमीहरू यरूशलेममा र सारा यहूदियामा र सामरिया र पृथ्वीको अन्तिम छेउसम्मै मेरा साक्षीहरू हुनेछौ ।
प्रेरित १:८ - आज्ञाकारिता। यहीँ टायरले सडक छुन्छ। के हामी आफ्नो जीवनशैलीका छनोटहरूमा र
आफ्नो आर्थिक भण्डारेपनमा परमेश्वरको वचनको आज्ञापालन गरिरहेका छौँ?
यदि तिमीहरूले मलाई प्रेम गर्छौ भने तिमीहरूले मेरा आज्ञाहरू पालन गर्नेछौ ।परमेश्वरले हामीलाई अहिले नै के गर्न भनिरहनुभएको छ?
यूहन्ना १४:१५